News
Լրահոս
News
Երեքշաբթի
Հունվար 26
USD
518.26
EUR
628.49
RUB
6.86
ME-USD
0.01
Տեսնել լրահոսը

ԵԱՀԿ Մինսկի խմբի համանախագահ երկրների պատվիրակությունների ղեկավարները՝ Ռուսաստանի Դաշնության արտաքին գործերի նախարար Սերգեյ Լավրովը, ԱՄՆ պետքարտուղարի տեղակալ Սթիվեն Է. Բիգանը եւ Ֆրանսիայի արտաքին գործերի նախարար Ժան-Իվ Լե Դրիանը, ողջունում են Լեռնային Ղարաբաղի հակամարտության գոտում ռազմական գործողությունների դադարեցումը՝ Ադրբեջանի նախագահի, Հայաստանի վարչապետի եւ Ռուսաստանի նախագահի նոյեմբերի 9-ին հայտարարությանը համապատասխան:

ԵԱՀԿ ՄԽ համանախագահ երկրները Հայաստանին եւ Ադրբեջանին կոչ են անում շարունակել այդ հայտարարության շրջանակներում ստանձնած պարտավորությունների իրականացումը, ինչպես նաեւ հրադադարի հարցով նախորդ պարտավորությունները: Համանախագահ երկրներն ընդգծում են միջոցների կարեւորությունը, որոնք ընդունվել են Ռուսաստանի Դաշնության կողմից Հայաստանի եւ Ադրբեջանի հետ համաձայնեցմամբ՝ մարտական գործողությունների չվերսկսումը երաշխավորելու համար: Նրանք նաեւ կոչ են անում տարածաշրջանից ամբողջական եւ արագ դուրս բերել օտարերկրյա վարձկաններին եւ կոչ են անում բոլոր կողմերին աջակցել այդ հարցին:

Համանախագահ երկրները Հայաստանին եւ Ադրբեջանին հիշեցնում են միջազգային մարդասիրական իրավունքի պահանջները կատարելու իրենց պարտավորության մասին, մասնավորապես՝ ռազմագերիների փոխանակման եւ դիերի վերադարձի հետ կապված: Նրանք ընդգծում են Լեռնային Ղարաբաղի հակամարտության արդյունքում տեղահանված մարդկանց կամավոր, անվտանգ, արժանապատիվ եւ կայուն վերադարձի պայմանների երաշխավորման կարեւորությունը, այդ թվում՝ վերջին ռազմական գործողությունների ընթացքում: Նրանք ընդգծում են Լեռնային Ղարաբաղում եւ դրա շուրջ պատմական եւ կրոնական ժառանգության պաշտպանության կարեւորությունը:

Համանախագահ երկրները Ադրբեջանին եւ Հայաստանին կոչ են անում լիարժեք համագործակցել համապատասխան միջազգային կազմակերպությունների հետ` այդ ոլորտներում իրենց պարտավորությունները կատարելու եւ մարդասիրական հասանելիություն ապահովելու համար:

Համանախագահ երկրները կոչ են անում միջազգային հանրությանը, այդ թվում՝ ԿԽՄԿ-ին, ՄԱԿ-ի ինստիտուտներին եւ այլ համապատասխան կառույցներին, ինչպես նաեւ ԵԱՀԿ Մինսկի խմբի առանձին երկրներին՝ համակարգված կերպով ձեռնարկել կոնկրետ քայլեր:

Համանախագահները վերահաստատում են իրենց վճռական աջակցությունը ԵԱՀԿ գործող նախագահի անձնական ներկայացուցչի եւ նրա թիմի շարունակական աշխատանքին:

Համանախագահ երկրները Հայաստանին եւ Ադրբեջանին կոչ են անում օգտվել ներկայիս գործող հրադադարից՝ համանախագահների հովանու ներքո խաղաղ բանակցություններ վարելու երկարատեւ եւ կայուն համաձայնագիր կնքելու համար: Այդ համատեքստում համանախագահ երկրները կողմերին կոչ են անում հնարավորինս շուտ սկսել առարկայական բանակցությունները համաձայնեցված ժամանակացույցով չլուծված բոլոր խնդիրները լուծելու համար:

Համանախագահ երկրները հիշեցնում են իրենց վճռականությունը՝ վեճերը լուծելու համար ուժի կամ սպառնալիքի չկիրառման նկատմամբ: Նրանք վերահաստատում են իրենց հետեւողական եւ միասնական դիրքորոշումը՝ հօգուտ մնացած բոլոր հիմնական առարկայական հիմնախնդիրների համաձայնեցված, համապարփակ եւ կայուն լուծման՝ համապատասխան եւ՛ Հայաստանին, եւ՛ Ադրբեջանին քաջ հայտնի հիմնարար սկզբունքներին եւ տարրերին: Համանախագահ երկրները նախկին պես լիովին հավատարիմ են այդ նպատակին՝ տարածաշրջանում բարգավաճման, խաղաղության, կայունության իրենց երկարամյա ջանքերին համապատասխան:    

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դավիթ Բաբայանը նամակներ է հղել ՄԱԿ-ի Գլխավոր քարտուղարին և ՅՈՒՆԵՍԿՕ-ի գլխավոր տնօրենին
ԱԳ նախարարը հատուկ ընդգծում է, որ Ադրբեջանի նման քաղաքականությունն ավելի ինտենսիվ է դարձել 2020 թ. սեպտեմբերի 27-ին Արցախի Հանրապետության...
Շուշիում «Գորշ գայլերը» դպրոց են բացելու. Էրդողանն ու Ալիեւը հավանություն են տվել
ազգայնական ոգով կրթություն տվող դպրոցի հիմնարկեքը կդրվի 2021–ի հունվարի 30–ին...
Արցախին տրվող հումանիտար օգնության որոշակի հատված կիրականացվի ռուս-հայկական մարդասիրական արձագանքման կենտրոնի միջոցով
Եվգենի Զինիչեւը եւ Անդրանիկ Փիլոյանը զրույցի ընթացքում անդրադարձել են նաեւ մի շարք այլ համատեղ ծրագրերի...
Լավրով. Մենք չենք պատրաստվում առանց ուշադրության թողնել իրավիճակը Լեռնային Ղարաբաղում
«Դրա հաստատումը դարձավ հունվարի 11-ին Մոսկվայում կայացած եռակողմ գագաթնաժողովը` Ռուսաստանի Դաշնության, Հայաստանի եւ Ադրբեջանի ղեկավարների մասնակցությամբ...
Տարածաշրջանային այցի շրջանակներում Իրանի ԱԳ նախարարը այսօր կժամանի Հայաստան
Հունվարի 26-ին տարածաշրջանային այցի շրջանակներում Հայաստանի Հանրապետություն կժամանի Իրանի Իսլամական Հանրապետության արտաքին...
ՀՀ պետական սահմանի ողջ երկայնքով սահմանային միջադեպեր չեն արձանագրվել, կայուն օպերատիվ իրավիճակը պահպանվել է
ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահմանային իրավիճակը սահմանագոտու ամբողջ երկայնքով և կատարում առաջադրված խնդիրները...
Ամենաշատ