Կալիֆորնիա նահանգը սերտիֆիկացրել է նախագահական ընտրությունների արդյունքները. ձայների հաշվարկի արդյունքում Դեմոկրատական կուսակցությունից ԱՄՆ նախագահի թեկնածու Ջո Բայդենի օգտին քվեարկել է նահանգի 55 ընտրիչ` պաշտոնապես ապահովելով անհրաժեշտ ձայների մեծամասնությունը` ընտրություններում նրա հաղթանակի համար, փոխանցում է Associated Press-ը:
Բայդենի հաղթանակին կողմ է քվեարկել ընդհանուր 279 ընտրիչ, հայտնում է Associated Press-ը: Ընդ որում, հաղթանակը հաստատելու համար պահանջվում էր ընդամենը 270 ընտրիչի ձայն:
Սովորաբար այս քայլերը պարզապես ձեւական բնույթ են կրում: Սակայն ԱՄՆ նախագահական ընտրությունների գործընթացի թաքնված գործընթացներն այս տարի փորձության ենթարկվեցին` Դոնալդ Թրամփի կողմից իր մրցակցի հաղթանակը ճանաչել հրաժարվելու պատճառով:
Ընտրիչներն իրենց նահանգներում կհավաքվեն դեկտեմբերի 14-ին` իրենց նահանգներում համաժողովրդական քվեարկության հաղթողի օգտին պաշտոնապես քվեարկելու համար:
Ընտրիչների կոլեգիայի քվեարկության արդյունքները պետք է ստացվեն եւ, որպես կանոն, հաստատվեն Կոնգրեսի կողմից հունվարի 6-ին:
Ներկայացուցիչների պալատը եւ ԱՄՆ Սենատը եւս առանձին քվեարկություններ կանցկացնեն` ցանկացած վեճի լուծման համար: