Հոնկոնգի իշխանությունները որոշում են կայացրել դիմակային ռեժիմի եւ սոցիալական հեռավորության խախտողների համար տուգանքների չափը բարձրացնել 2 հազարից 5 հազար հոնկոնգյան դոլար (258 դոլարից մինչեւ 645 դոլար): Ինչպես շաբաթ օրը հայտնել էր «Դունֆան ժիբաո» պարբերականը, նորամուծությունն ուժի մեջ կմտնի դեկտեմբերի 11-ից:
Տուգանքները մի քանի անգամ ավելացնելու առաջարկով շաբաթվա սկզբին հանդես էր եկել հոնկոնգյան վարչակազմի ղեկավար Քերի Լամը: Նա հույս էր հայտնել, որ դա կօգնի կանխարգելիչ էֆեկտի հասնել կորոնավիրուսի տարածումը կանխելու գործում:
Չինաստանի այս հատուկ վարչական շրջանը վարակի նոր, արդեն չորրորդ ալիքին է բախվում: Ուրբաթ այստեղ հայտնաբերվել էր վարակի 112 նոր դեպք, որից միայն 12-ն էր ներկրված:
Չորեքշաբթի օրվանից իշխանությունները խստացրել են սահմանափակող միջոցները: Խիտ բնակեցված մեգապոլիսում թեմատիկ պարկեր, կարաոկե ակումբներ, խաղասրահներ, թանգարաններ, լողավազաններ, դպրոցներ կան: Քաղաքացիական ծառայողները հեռավար ռեժիմի են անցել: Ռեստորաններն իրենց աշխատանքային ժամերը կրճատել են երկու ժամով (մինչեւ 22:00-ը) եւ թույլատրել են մեկ սեղանի շուրջ ոչ ավելի, քան երկու այցելու նստեցնել` չորսի փոխարեն` ընդհանուր տեղերի 50 տոկոս զբաղվածությամբ:
Համավարակի սկզբից Հոնկոնգում դեպքերի ընդհանուր թիվը հասել է 6702-ի, 112 հիվանդ մահացել է, փոխանցում է ՏԱՍՍ-ը: