Հայաստանի ԱԳ նախարար Արա Այվազյանը ռուսական արտաքին քաղաքականության գերատեսչության ղեկավար Սերգեյ Լավրովի հետ բանակցություններում Ռուսաստանին շնորհակալություն է հայտնել Ղարաբաղում հրադադարին ուղղված մեծ ավանդի եւ ջանքերի համար:
«Ցանկանում եմ ռուսական կողմին եւ անձամբ ձեզ՝ Սերգեյ Վիկտորովիչ, խորին շնորհակալություն հայտնել հակամարտության գոտում լիակատար հրադադարին եւ ռազմական գործողությունների դադարեցմանն ուղղված մեծ ավանդի եւ հետեւողական ջանքերի համար»,- ասել է ԱԳ նախարար Այվազյանը Մոսկվայում ռուսաստանցի գործընկերոջ հետ հանդիպմանը:
Նրա խոսքով՝ այսօր ստեղծված իրավիճակում, այդ թվում՝ տարածաշրջանային մակարդակում պահանջվում են գնահատականներ եւ լուծումներ, որոնց իրականացումը տեսնում ենք հանրության եւ ամբողջ հայ ժողովրդի համախմբման, Հայաստանի պետական ինստիտուտների հստակ գործառնության, դինամիկ տնտեսությամբ եւ պաշտպանունակության բարձր մակարդակով երկրի պրիզմայով. «Վերջին հաշվով, Հայաստանի Հանրապետության ուժեղ պետության պրիզմայով, որը սերտորեն համագործակցում է դաշնակիցների եւ բարեկամների հետ»:
