News
Լրահոս
News
Ուրբաթ
Հոկտեմբեր 22
Տեսնել լրահոսը

Սահմանադրական դատարանի որոշումը, որով մերժվել է վարույթ ընդունել ԱԺ դիմումը՝ «Բարգավաճ Հայաստան» խմբակցության ղեկավար Գագիկ Ծառուկյանի լիազորությունները դադարեցնելու վերաբերյալ, Ծառուկյանի փաստաբանները դեռ չեն ստացել։ Այս մասին NEWS.am-ի հետ զրույցում ասաց փաստաբան Էմին Խաչատրյանը։

«Որոշումը դեռ չունենք, որ բովանդակության մասին որեւէ բան ասեմ, միակ հատկանշական փաստն այն է, որ ողջամտություն դրսեւորվեց եւ պարոն Ծառուկյանին պատգամավորկան մանդատից չզրկեցին»,- ընդգծեց փաստաբանը։

Նախօրեին Սահմանադրական դատարանը աշխատակարգային որոշմամբ մերժել է Ազգային ժողովի խորհրդի դիմումը «Բարգավաճ Հայաստան» խմբակցության ղեկավար Գագիկ Ծառուկյանի լիազորությունները դադարեցնելու վերաբերյալ դիմումը վարույթ ընդունել։ Ըստ փաստաբանի՝ սա վկայում է այն մասին, որ Կոռուպցիայի կանխարգելման հանձնաժողովի եզրակացությունը անհիմն է։

«Մենք մանրամասն ներկայացրել, փաստել ենք, որ պարոն Ծառուկյանը  որեւէ կերպ՝ անձամբ, թե միջնորդավորված բիզնեսով չի զբաղվել, ուղղակի կառավարչի հետ կապված անհնարինություն է առաջացել, երբ  կառավարիչ Առուստամյանին ձերբակալել էին, առաջին կալանքի ժամանակ մտածում էինք, որ անհիմն է եւ շուտ բաց կթողնեն, բայց երկրորդ անգամ, երբ կալանքը երկարացվեց, հասկացանք՝ տեւական բնույթ է կրելու այդ կալանավորումը եւ այդ պայմաններում անհնարինություն առաջացավ, որ կառավարիչը կարողանա իր վրա դրված պարտականությունները կատարի»,- պատմեց Խաչատրյանը։

Ըստ  փաստաբանի՝ Սեդրակ Առուստամյանի առաջարկով հրավիրվել է մասնակիցների ժողով եւ իր առաջարկով էլ նշանակվել կառավարչի հաձնակատար, ինչը նրա խոսքով՝ նշանակում է, որ Գագիկ Ծառուկյանի կողմից այդ ժողովին մասնակցելը ուղղակի ձեւական բնույթ է կրել։

«Այստեղ մի կարեւոր հանգամանք եւս կա, որ Գագիկ Ծառուկյանն անձամբ չի որոշել, որ օրինակ, Ա կամ Բ անձին նշանակի կառավարչի հանձնակատր, այդ որոշումը կայացրել է կառավարիչ Սեդրակ Առուստամյանը։ Նա մեկուսարանից պարոն Ծառուկյանին առաջարկել է կոնկրետ անձի նշանակել հանձնակատար եւ խնդրել, որ թույլտվություն տա, որպեսզի նշանակվի  հանձնակատարը։ Այս պայմաններում որեւէ մեկը չկարողացավ հիմնավորել կամ բացատրել մեզ, թե որն է հանդիսանում Գագիկ Ծառուկյանի կողմից բիզնեսով զբաղվելը կամ գործարարությամբ զբաղվելը»,- ընդգծեց փաստաբանը։

Սահմանադրական դատարանի որոշումը բողոքարկման ենթակա չէ։ Այն օրենքով սահմանված կարգով եռօրյա ժամկետում կուղարկվի կողմերին եւ կհրապարակվի Սահմանադրական դատարանի պաշտոնական կայքում։

Հիշեցնենք, որ նոյեմբերի 24-ին Ազգային ժողովի խորհուրդը  որոշել է Ազգային ժողովի պատգամավոր Գագիկ Ծառուկյանի լիազորությունները դադարեցնելու հարցով դիմել Սահմանադրական դատարան՝ հիմք ընդունելով Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի պատգամավորի կողմից անհամատեղելիության պահանջների խախտման մասին» 03/2020 եզրակացությունը, եւ Սահմանադրության 95-րդ հոդվածը։

 ԲՀԿ-ական պատգամավորները Գագիկ Ծառուկյանի նկատմամբ տեղի ունեցող գործընթացները համարում են քաղաքական հետապնդում։

Տպել
Կարդացեք նաև
Ամբողջը
Այսօր մեր ճակատագրի որոշումն է. հիմնական խնդիրը պետք է լինի այս վիճակից դուրս գալը. Գագիկ Ծառուկյան
Որեւէ մեկը որեւիցե հարց այս պահին իրավունք չունի քննարկելու։ Այն ինչն այն ժամանակ արել ենք, հիմա ավելի շատ ենք անելու…
Գագիկ Ծառուկյանը դուրս է գալիս ԱԱԾ մեկուսարանից
Կուսակցության նախագահ Գագիկ Ծառուկյանը քիչ անց դուրս է գալու…
Գագիկ Ծառուկյանը 100 միլիոն դրամ գրավի դիմաց ազատ արձակվեց
Ծառուկյանի պաշտպաններն կալանավորման որոշման դեմ վերաքննիչ բողոք էին ներկայացրել, ինչը դատարանը մերժել…
Ծառուկյանի նկատմամբ խափանման միջոցը փոխելու հարցով դատական նիստը հետաձգվել է, այն կկայանա հոկտեմբերի 22-ին
Ծառուկյանի պաշտպաններից Սամվել Դիլբանդյանն էլ լրագրողների հետ զրույցում նշեց, որ իրենք լրիվ հիմնավորումները միջնորդության...
13։00-ին դատարանում քննվելու է Գագիկ Ծառուկյանի խափանման միջոցը գրավով փոխարինելու վերաբերյալ միջնորդությունը
Հուսով ենք, որ գոնե Հայաստանի և Արցախի համար այս կարևորագույն պահին դատավորը և մյւուս շահագրգիռ անձինք…
Էդմոն Մարուքյանին մերժել են. Գագիկ Ծառուկյանը կմնա կալանքի տակ
Հիշեցնեմ, որ առաջարկն իմ կողմից գլխավոր դատախազին էր ուղարկվել սեպտեմբերի 28-ին՝ ելնելով երկրում իրավիճակի կտրուկ փոփոխությունից...
Ամենաշատ