Կարմիր Խաչը երեկվանից Զանգելանի շրջանում սկսել է աշխատանքներ իրականացնել, հիմա բանակցություններ են վարում, որ յուրաքանչյուր տեղ որոնողական աշխատանքներ իրականացվեն։ Այս մասին այսօր Էջմիածնի զորամասի դիմաց լրագրողների հետ զրույցում ասաց հրամանատար Արսեն Աբգարյանը, ով պատրաստվում է գնալ Կապան, եւ եթե թույլատրեն, ինքը եւս մասնակցի որոնողական այդ աշխատանքներին։
«Ես մինչեւ վերջին պահը եղել եմ իմ զինվորականների հետ, ես իրենց հետ միասին այդ նույն տարածաշրջանում շրջափակման մեջ եմ ընկել։ Երկու օր հետո 22 զինծառայողնի հետ միասին կարողացել ենք դուրս գալ եւ փրկվել»,- ասաց նա։
Հարցին, թե մյուս զինծառայողները ինչպե՞ս է ստացվել, որ չեն կարողացել փրկվել հրամանատարն ասաց․ «Թշնամու հետ մարտի ենք բռնկվել, ով հասցրել փրկվել է, ով չի հասցրել, չի կարողացել փրկվի, կամ գերի է ընկել, կամ էլ փախել է մի ուրիշ կողմ, այդ պահի դրությմաբ չենք կարողացել իրենց որոնողական աշխատանքներն իրականացնել, որովհետեւ փախուստ է սկսվել, շրջափակման մեջ անկանուն կռիվ է սկսել»։
Մեկ այլ հարցին, թե այդ տարածքից գերի ընկնողներ կա՞, հրամանատարն ասաց, որ այո, բայց թե քանի հոգի, չի կարող ասել։