Կարաչաեւո-Չերկեսիայի ԱԴԾ տարածաշրջանային վարչության շենքի մոտ պայթյուն է տեղի ունեցել: Այս մասին հայտնում է «Ինտերֆաքս»-ը` վկայակոչելով տեղեկացված աղբյուրը:
Միջադեպի արդյունքում, գործակալության տվյալներով, վեց մարդ է վիրավորվել: Ըստ նախնական տեղեկությունների` պայթյունն իրականացրել է մահապարտը: Նա մահացել է:
«Նախնական տվյալներով` տղամարդը կիսում էր ծայրահեղական խմբավորումների տեսակետները: Պայթյունից առաջ նա մոտեցել էր մի խումբ իրավապահներին ԱԴԾ վարչության շենքի մուտքի մոտ եւ «Ալլահ Աքբար» գոռալով պայթեցրել էր իրեն»,- հայտնել է աղբյուրը:
Գործակալության մեկ այլ աղբյուր հայտնել է, որ երկու պայթյուն է տեղի ունեցել. առավոտյան ժամը 7-ին շենքի մոտ փոքր ռումբ էր պայթել, եւ մի քանի ժամ անց, երբ դեպքի վայրում աշխատում էին ԱԴԾ աշխատակիցները, նրանց ավտոմեքենա էր մոտեցել, դրանից մահապարտ էր դուրս եկել եւ պայթեցրել էր իրեն:
