Թուրքիայի սերտ տնտեսական եւ քաղաքական հարաբերություններն ԱՄՆ-ի եւ ԵՄ-ի հետ չեն կարող անտեսվել, Անկարայի դեմ նրանց պատժամիջոցները ոչ ոքի ձեռնտու չեն, ասել է Թուրքիայի առաջնորդ Թայիփ Էրդողանը, փոխանցում է «ՌԻԱ Նովոստի»-ն:
«Մենք ամուր քաղաքական եւ տնտեսական կապեր ունենք ԱՄՆ-ի եւ ԵՄ-ի հետ, որոնք հնարավոր չէ անտեսել: Պատժամիջոցները ոչ մի օգուտ չեն բերի մեր օրակարգին, դրանք միայն վնաս կհասցնեն: Մենք ակնկալում ենք, որ մեր գործընկերներն օբյեկտիվ դիրքորոշում կստանձնեն»,- ասել է Էրդողանը` տեսակոնֆերնասի ռեժիմով ելույթ ունենալով «Արդարություն եւ զարգացում» կուսակցության տարածաշրջանային մասնաճյուղերի ղեկավարների առջեւ:
Ավելի վաղ ԵՄ առաջնորդները համաձայնության էին եկել Թուրքիայի նկատմամբ գոյություն ունեցող անհատական պատժամիջոցներն ընդլայնելու մասին որոշման շուրջ` Միջերկրական ծովի արեւելյան հատվածում ապօրինի հորատումների համար: ԵՄ արտաքին եւ անվտանգության քաղաքականության գերագույն ներկայացուցիչ Ժոզեպ Բորելին հանձնարարվել է նաեւ աշխատել մինչեւ 2021 թվականի մարտն Միջերկրական ծովի արեւելյան հատվածում իրադրության վերաբերյալ միջազգային խորհրդաժողով հրավիրելու ուղղությամբ եւ զեկույց մշակել Թուրքիայի հետ հարաբերությունների մասին:
