Աֆղանստանի մայրաքաղաք Քաբուլը հրթիռակոծության է ենթարկվել. զոհվել է առնվազն մեկ մարդ, երկու մարդ վիրավոր է, հաղորդում է Reuters-ը:
Նշվում է, որ 10 հրթիռ է հարվածել քաղաքի տարբեր հատվածներին:
«Թալիբան» ծայրահեղական շարժումը հերքում է կապը հրթիռակոծության հետ: Թալիբները շարունակում են բանակցությունները Աֆղանստանի իշխանությունների հետ, որպեսզի վերջ դնեն արյունահեղությանը, որը երկրում շարունակվում է ավելի քան 20 տարի:
Ուժային կառույցները հայտնել են, որ պարզ չէ, թե արդյոք հարձակման հետ կապ ունեն «Իսլամական պետության» խմբավորումներից մեկի՝ «Հորասան»-ի գրոհայինները: