ԱՄՆ պետքարտուղար Մայք Պոմպեոն հայտարարել է «Սարայա ալ-Մուխթարին» ահաբեկչական կազմակերպությունների ցանկում ավելացնելու մասին այն կապակցությամբ, որ այն զգալի ռիսկ է ներկայացնում՝ իրականացնելով ահաբեկչություններ, որոնք սպառնում են ԱՄՆ ազգային անվտանգությանն ու արտաքին քաղաքականության շահերին, հաղորդում է «Գոլոս Ամերիկի»-ն:
«Սարայա ալ-Մուխթարին»-ն տեղակայված է Բահրեյնում: Ինչպես նշված է Պոմպեոյի հայտարարության մեջ, կազմակերպությունը ստանում է ֆինանսական եւ նյութատեխնիկական աջակցություն Իրանի Իսլամական հեղափոխության պահապանների կորպուսի կողմից: «Խմբավորման հայտարարված նպատակն է տապալել Բահրեյնի կառավարությունը՝ մտադրություն ունենալով ճանապարհ բացել Բահրեյնում Իրանի ազդեցությունն ամրապնդելու համար»: Պետքարտուղարի խոսքով՝ կազմակերպությունը պլանավորել է հարձակում ԱՄՆ քաղաքացիների վրա Բահրեյնում եւ հայտարարել դրամական պարգեւ Բահրեյնում պաշտոնական անձանց սպանելու համար:
Պետդեպատրամենտի որոշումը կոչված է զրկել խմբավորումն ահաբեկչություններ իրականացնելու ռեսուրսների հասանելիությունից: Ահաբեկչական կազմակերպությունների ցանկում խմբավորման ավելացումը կզրկի դրան ԱՄՆ ֆինանսական համակարգի հասանելիությունից: Այդ քայլը եւս կոչված է իրազեկել ամերիկյան եւ միջազգային հանրությանը կազմակերպության կողմից սպառնալիքի մասին եւ աջակցել իրավապահ մարմիններին: