News
Լրահոս
News
Չորեքշաբթի
Դեկտեմբեր 08
Տեսնել լրահոսը

9 զինծառայողները, որոնց մարմիններն այսօր՝ դեկտեմբերի 17-ին հայտնաբերվել են Հադրութի շրջանի Հին Թաղեր-Խծաբերդ դիրքերի մերձակա տարածքում, այն նույն զինծառայողներն ենք, որոնք Հին Թաղերի ուղղությամբ գերեվարված էին հայտարարվել օրեր առաջ։

NEWS.am-ի տեղեկություններով՝ նրանց մեծ մասն Արմավիրի մարզից է, ծառայություն էին իրականացնում ՄՈԲ-ով։ 

Նրանց ջոկը բաղկացած է եղել 11 հոգուց։ Մյուս երկու զինծառայողների վերաբերյալ լուր չկա։ Նրանք 120 հոգանոց այն վաշտի կազմում էին, որոնք Հին Թաղերի ուղղությամբ ադրբեջանական հարձակումից հետո շրջափակման մեջ էին ընկել, ադրբեջանցիների հետ բանակցելուց հետո վաշտի 83 զինծառայողները կարողացել էին դուրս գալ շրջափակումից դեկտեմբերի 12-ին։

Ավելի վաղ Հադրութի շրջանի Հին Թաղեր եւ Խծաբերդ բնակավայրերի գյուղապետերը հաստատել էին, որ հայկական կողմից շուրջ մեկ տասնյակ զինծառայող է գերեվարվել Հին Թաղերի ուղղությամբ։  

Նախօրեին էլ ադրբեջանական լրատվամիջոցները տարածել էին նոր սպանված հայ զինծառայողների տեսանյութ։

Հիշեցնենք, որ Հին Թաղերի եւ Խծաբերդի վրա ադրբեջանական հարձակումից հետո երկար ժամանակ հարյուրից ավելի գերիների վերաբերյալ լուրեր էին տարածվում համացանցում։ Միայն երեկ պաշտոնական տեղեկություններ ստացվեցին, որ անհայտ է մնում Հադրութի երկու գյուղերի ուղղությամբ մարտական հերթապահություն իրականացրած 73 մարդու ճակատագիր, որոնք, մեր տեղեկություններով, Շիրակի մարզի ՄՈԲ-ից են եւ պահում էին Խծաբերդի դիրքերը։ Զոհված 9 զինծառայողները այլ խմբից են, պահում էին Հին Թաղերի դիրքերը։

Հիշեցնենք, որ դեկտեմբերի 12-ին ադրբեջանական զինված ուժերի ստորաբաժանումները, կուտակելով հավելյալ անձնակազմ և զինտեխնիկա, այդ թվում նաև՝ ծանր հրետանային միջոցներ, խախտելով նոյեմբերի 9-ին ստորագրված եռակողմ հայտարարության պահանջները, հարձակում էին նախաձեռնել  Արցախի Հանրապետության Հադրութի շրջանի Հին Թաղեր և Խծաբերդ գյուղերի ուղղությամբ:

Հին Թաղեր և Խծաբերդ գյուղերն անցել են Ադրբեջանի վերահսկողության ներքո։ Հայկական կողմն ուներ 9 վիրավոր։ Ադրբեջանական կողմն ունի զոհեր եւ վիրավորներ։

Տպել
Կարդացեք նաև
Ամբողջը
Աշանի բնակիչ Միհրան Մուսայելյանը գերության մեջ ենթարկվել է բռնության, առողջությանը պատճառվել է ծանր վնաս
Ձեռք բերված տվյալների հիման վրա ԱՀ ազգային անվտանգության ծառայությունում հարուցվել է քրեական գործ՝ ԱՀ քրեական օրենսգրքի 111-րդ հոդվածի 2-րդ մասի 5-րդ…
Մշակութային վանդալիզմի քաղաքականություն որդեգրած երկրին ՅՈՒՆԵՍԿՕ-ում ընդգրկելը մտահոգիչ է. Արցախի ԿԳՄՍՆ
Հատկապես վերջին տասնամյակներում Ադրբեջանի կողմից հայատյացության խորապատկերի ներքո հայկական մշակութային...
«Դասավանդի՛ր, Հայաստան»-ը հանձնեց Ալեն Մարգարյանի հիշատակին նվիրված կրթաթոշակ
«Դասավանդի՛ր, Հայաստան»-ի յոթերորդ սերնդի Ուսուցիչ-առաջնորդ Սեդա Մխիթարյանին շնորհվեց հերոս և գիտելիքի ջատագով, «Ոսկե արծիվ» շքանշանակիր…
ԱԺ փոխխոսնակ․ նոյեմբերի 26-ի հայտարարության կատարման մասով առաջընթաց չկա
Նա պարզաբանեց, որ կողմերը պայմանավորվել են մեխանիզմներ ստեղծել լարվածությունը թուլացնելու․․․
Առնվազն անհնասկանալի է, թե ինչու են ՄԻՊ-ն ու իրավապաշտպանները տվյալ խոսակցությունը վերագրում. ԱԺ նախագահի խոսնակ
Երեկ տարածված տեսանյութում երիտասարդը հետաքրքրվում է Ալեն Սիմոնյանի կողմից սեպտեմբերի 14-ի ՀՀ ԱԺ հերթական նիստի ընթացքում պատգամավոր Աննա…
ՀՀ ԱԳՆ-ն հրավիրում է ԵԱՀԿ ՄԽ համանախագության ուշադրությունը ՄԱԿ-ի Արդարադատության միջազգային դատարանի վճռին
Հայաստանը հետամուտ է լինելու, որպեսզի Ադրբեջանը կատարի դատարանի որոշումները...
Ամենաշատ