Ճապոնիայում հազարից ավելի մարդ ստիպված էր գիշերը ավտոմեքենաների մեջ անցկացնել ձյան ուժեղ տեղումների պատճառով, որն ընդգրկել է երկրի որոշ հատվածներ, հայտնում է The Guardian-ը:
Առաջին մի քանի վարորդներ, որոնք որոշել էին փորձարկել նոր արագընթաց մայրուղին, որը Տոկիոն միացնում է Ճապոնական ծովի ափին գտնվող Նիիգատային, չորեքշաբթի երեկոյան ճանապարհին արգելափակվել են:
Ձյան ծուղակում հայտնված ավտոմեքենաների թիվը շուտով ահռելի մեծության է հասել երկրի կենտրոնում եւ հյուսիսում առատ տեղումների պատճառով:
Ինքնապաշտպանության ուժերի աշխատակիցներն ուղարկվել են վարորդներին սնունդով, ծածկոցներով եւ վառելանյութով ապահովելու համար, որոնք ստիպված էին գիշերն անցկացնել իրենց ավտոմեքենաների մեջ:
Դրանից բացի, Ճապոնիայի կենտրոնում ձյան ուժեղ տեղումների պատճառով հոսանքազրկվել է մոտ 10 հազար տնտեսություն: