ԱՊՀ երկրները հաստատել են Ռազմական համագործակցության հայեցակարգը մինչեւ 2025 թվականը, այդ մասին հայտարարվել է ուրբաթ ԱՊՀ պետությունների ղեկավարների Խորհրդի նիստի արդյունքում:
Ռազմական համագործակցության առանցքային նպատակը պաշտպանության եւ ռազմական անվտանգության ոլորտում ԱՊՀ երկրների փոխազդեցության կայուն դինամիկայի ապահովումն է: Որպես ռազմական համագործակցության առաջնահերթություն են համարվել բարիդրացիական հարաբերությունների պահպանումը, վստահության միջոցների ամրապնդումը, ազգային զինված ուժերի զարգացման ապահովումը, համատեղ եւ ազգային անվտանգության ապահովումը:
Փոխգործակցության առաջանհերթ ուղղությունների շրջանում են ռազմական, ռազմաքաղաքական, ռազմատեխնիկական եւ ռազմահումանիտար ոլորտները, միջազգային ահաբեկչության հակազդումը, ռազմական կրթությունը, ռազմական կադրերի պատրաստումը, ռազմական գիտության եւ խաղաղապահ գործունեության զարգացումը, սոցիալ-իրավական ոլորտը:
Փաստաթղթի համաձայն՝ կազմակերպաիրավական մեխանիզմը թույլ է տալիս շահագրգիռ անդամ պետություններին, դիտորդ երկրներին եւ գործընկերներին միանալ բազմակողմանի ռազմական համագործակցությանն ու մասնակցել միջոցառումներում: