Կիրակի Ֆրանսիայի նախագահ Էմանուել Մակրոնը մի շարք հեռախոսազրույցներ է անցկացրել ԵՄ առաջնորդների հետ, որոնց ընթացքում քննարկել է ԵՄ կազմից Մեծ Բրիտանիայի դուրս գալու հարցը, ինչպես նաեւ այդ երկրում կորոնավիրուսի համաճարակի հետ կապված հարցերը, հաղորդում է BFM հեռուստաալիքը:
Բանակցություններն անցկացվել են Գերմանիայի կանցլեր Անգելա Մերկելի, Եվրահանձնաժողովի ղեկավար Ուրսուլա ֆոն դեր Լյայենի եւ ԵԽ ղեկավար Շառլ Միշելի հետ: Դեռեւս պարզ չեն դրանց մանրամասները, միայն հայտնի է, որ նաեւ քննարկվել է կորոնավիրուսի դեմ պայքարի իրավիճակը Հարաբաֆրիկյան Հանրապետությունում:
Ավելի վաղ հեռուստաալիքը հաղորդել էր, որ Ֆրանսիան ձգտում է համակարգված որոշումներ կայացնել Մեծ Բրիտանիայի հետ երկաթուղային եւ ավիահաղորդակցությունը դադարեցնելու մասին, որտեղ հայտաբերվել է կորոնավիրուսի նոր մուտացիան:
Դեկտեմբերի 14-ին Մեծ Բրիտանիայի առողջապահության նախարար Մեթ Հենքոքը հայտնել էր, որ բրիտանացի գիտնականները հայտնաբերել են կորոնավիրուսի նոր շտամ, որը կարող է կապված լինել Անգլիայի հարավ-արեւելյան մասում COVID-19-ի տարածման հետ: Նրա խոսքով՝ նախնական վերլուծությունը ցույց է տալիս, որ վիրուսի այդ տեսակը տարածվում է հայտնի շտամերից ավելի արագ: Շաբաթ արտահերթ մամուլի ասուլիսի ժամանակ Միացյալ Թագավորության վարչապետ Բորիս Ջոնսոնը հայտարարել է, որ, նախնական տվյալներով, կորոնավիրուսի նոր տարբերակը կարող է լինել 70 տոսոկով ավելի վարակիչ՝ հավելելով, որ բրիտանացի փորձագետները դեռեւս չեն հայտնաբերել ապացույցներ, որ մուտացված վիրուսը կարող է ավելի մահացու ազդեցություն ունենալ:
Ֆրանսիայի նախագահը հանձնել է կորոնավիրուսի ախտորոշման թեստ, որի պատասխանը դրական էր դեկտեմբերի 17-ին: Նա աշխատում է հեռավար ռեժիմով, հաղորդում է ՏԱՍՍ-ը:
