Հայաստանի նախագահ Սերժ Սարգսյանն այսօր` հունիսի 4-ին հրաժեշտի հանդիպում է ունեցել Հայաստանում ԱՄՆ արտակարգ եւ լիազոր դեսպան Մարի Յովանովիչի հետ, ով ավարտում է դիվանագիտական առաքելությունը մեր երկրում:
Հայաստանի նախագահի մամուլի գրասենյակից NEWS.am-ին հայտնում են, որ դեսպանը շնորհակալություն է հայտնել Հանրապետության ղեկավարին՝ Հայաստանում իր գործունեության ընթացքում ջերմ եւ արդյունավետ փոխգործակցության համար: Մարի Յովանովիչը նշել է, որ վերջին երեք տարիների ընթացքում հայ-ամերիկյան հարաբերություններում արձանագրվել է ակնհայտ առաջընթաց եւ ընդգծել, որ ԱՄՆ-ն կարեւորում է Հայաստանի հետ կապերի շարունակական խորացումը:
Նախագահ Սերժ Սարգսյանը բարձր է գնահատել դեսպան Յովանովիչի անձնական ներդրումը երկկողմ միջպետական հարաբերությունների զարգացման եւ խորացման գործում, հաջողություններ մաղթել նրան՝ հետագա դիվանագիտական աշխատանքում:
