Մեքսիկական Ռիվյերա Մայայի շրջանում, այդ թվում՝ Կանկուն, Թուլում եւ Քոսումել հանգստյան գոտիներն այցելությունը փոքր-ինչ կթանկանա, հաղորդում է ՌԻԱ Նովոստի-ն՝ հղում անելով Travel and Leisure-ին:
Մեքսիկայի ամենասիրված զբոսաշրջային տարածքներից մեկը՝ Կինտանա Ռո նահանգը, 2021 թվականի ապրիլից պատրաստվում է օտարերկրացի զբոսաշրջիկներից գանձել հարկ տասը դոլարի չափով:
Ստացված եկամուտները պետք է փոխհատուցեն պետության՝ զբոսաշրջային ենթակառուցվածքի ծախսերի նվազումը:
Որոշ տուրօպերատորներ մտահոգվում են, որ նոր հարկը կարող է ստիպել զբոսաշրջիկներին փոխել հանգստի ծրագրերը: Սակայն նահանգի իշխանությունները պնդում են, որ վճարի սահմանումը չի վախեցնի հյուրերին:
Այժմ Կինտանա Ռո հանգստավայրն այն փոքրաթիվ շրջաններից մեկն է, որոնք հասանելի են ԱՄՆ-ից զբոսաշրջիկների համար:
Նահանգում գրանցված է COVID-19-ի ավելի քան 15 հազար դեպք եւ ավելի քան երկու հազար մահ վարակի հետեւանքով: Մեքսիկայում ընդհանուր առմամբ հայտնաբերվել է ավելի քան 1.3 միլիոն կորոնավիրուսով վարակակիր, որոնցից շուրջ 120 հազարը՝ մահվան ելքով: