Ֆուտբոլի Եվրոպայի առաջնության ընտրական մրցաշարի երկրորդ շրջանը Հայաստանի հավաքականը սկսեց պարտությամբ: Սանկտ Պետերբուրգում Ռուսաստանի հետ պատասխան խաղում Հայաստանի թիմը պարտվեց 1:3 հաշվով: Թեեւ մեկնարկը հուսադրող էր հայ ֆուտբոլիստների համար:

Ռուսաստանի հավաքականի պաշտպանությունում Իգնաշեւիչի սխալից հետո Մարկոս Պիզելին 25-րդ րոպեին բացեց հանդիպման հաշիվը, սակայն արդեն հաջորդ գրոհում, մեկ րոպե անց Ռոման Պավլյուչենկոն հավասարեցրեց հաշիվը: Թիմերն ընդմիջման գնացին 1:1 հաշվով:

59-րդ րոպեին Սեմշովի փոխանցումից հետո Ռոման Պավլյուչենկոն կրկնապատկեց Ռուսաստանի հավաքականի առավելությունը` 2:1:

73-րդ րոպեին Ռոման Պավլյուչենկոն խփեց իր երրորդ գնդակը: Սարգիս Հովսեփյանը տուգանային հրապարակում խախտեց կանոնները Յուրի Ժիրկովի նկատմամբ եւ Տոտենհեմի հարձակվողը դիպուկ իրացրեց 11 մետրանոցը: Պավլյուչենկոն մեկնարկային կազմում փոխարինել էր մեկ օր առաջ վնասվածք ստացած Ալեքսանդր Կերժակովին եւ դարձավ հանդիպման հերոսը:

85-րդ րոպեին 25 մետրից իրացրած տուգանային հարվածը եզրափակեց Հենրիխ Մխիթարյանը` գրավելով Ակինֆեեւի դարպասը, սակայն եզրային մրցավարը գրանցեց խաղից դուրս վիճակ:

Ռուսաստանի հավաքականը հաղթեց 3:1 հաշվով եւ 13 միավորով գլխավորեց B խմբի մրցաշարային աղյուսակը: Հայաստանի հավաքականը 8 միավորով մնաց 4-րդ տեղում:

Մեր խմբում այսօր, հունիսի 4-ին ավելի ուշ Սլովակիան կընդունի Անդորրային, Մակեդոնիան` Իռլանդիային:

Եվրոպայի առաջնություն

Ընտրական մրցաշար

B խումբ

Ռուսաստան - Հայաստան` 3:1 (1:1)

Պավլյուչենկոն, 26, 59, 73-11մ. - Պիզելի, 25

Ռուսաստան. Ակինֆեեւ, Անյուկով (Յանբաեւ, 74), Վ.Բերեզուցկի, Իգնաշեւիչ, Ժիրկով, Սեմշով (Գլուշակով, 69), Դենիսով, Զիրյանով (Ձագոեւ, 81), Պավլյուչենկո, Արշավին, Տորբինսկի

Հայաստան. Բերեզովսկի, Հայրապետյան, Հովսեփյան, Արզումանյան, Մկրտչյան, Պիզելի (Եդիգարյան, 67), Ղազարյան, Մովսիսյան, Մկոյան, Մխիթարյան, Պաչաջյան (Մանուչարյան, 57)

B խումբ