Հարավային Կորեայի Չհանվոն քաղաքի Քյոնսան-Նամդո նահանգում սկսել են ջրածնային վառելիքով աշխատող աշխարհում առաջին աղբատար մեքենայի փորձարկումները, հաղորդում է ՏԱՍՍ-ը՝ հղում անելով KBS հեռուստաալիքին:
5 տոննա բեռնատարողությամբ մեքենան մշակվում է 2017 թվականից 7 պետական կազմակերպությունների եւ մասնավոր ընկերությունների մասնակցությամբ: Նախագծի արժողությունը կազմել է 10 մլրդ վոն (9,2 մլն դոլար):
Հեռուստաալիքը նշում է, որ ջրածնային վառելիքի կիրառումը թույլ է տալիս ամբողջությամբ վերացնել արտաժայթքման գազերի արտանետումներն ու նվազեցնել մեքենայի աշխատանքի ժամանակ աղմուկը: Գազով մեկ լիցքավորմամբ այն անցնում է 350 կմ ճանապարհ:
