Դեկտեմբերի 29-ին Հայաստանի պաշտպանության նախարարության զինվորական պատվիրակությունը՝ պաշտպանության նախարար Վաղարշակ Հարությունյանի գլխավորությամբ այցելել է Հարավային ռազմական օկրուգի 102-րդ ռազմաբազա՝ ի պատիվ միավորման ստեղծման:
ՀՌՕ մամուլի ծառայությունից հայտնեւմ են, որ այցի շրջանակում հայ զինվորականները ծանոթացել են ռուսական ռազմաբազայի ենթակառուցվածքային օբյեկտների, սպառազինության նմուշների եւ ռազմական տեխնիկայի հետ, հրամանատարությանը եւ անձնակազմին շնորհավորել են զորամասի ստեղծման օրվա եւ Ամանորի կապակցությամբ:
Ծրագրի առանձին կետ է դարձել պատվիրակության անդամների այցելությունը բազայի տարածքում գտնվող Սուրբ նահատակ Ալեքսանդրայի ուղղափառ եկեղեցի եւ միավորման ռազմա-պատմական թանգարան:
Տեղեկատու՝
102-րդ ռազմաբազան 435-րդ դիվիզիայի 1415-րդ հրաձգային գնդի իրավահաջորդն է, որի կազմավորումը սկսվել էր 1941 թվականի դեկտեմբերի 29-ին Սվերդլովի մարզում:
Ռուսական ռազմաբազան Հայաստանում տեղակայված է 1995 թվականի միջպետական պայմանագրով: 2010 թվականի օգոստոսի 20-ին Ռուսաստանն ու Հայաստանը բազայի տեղակայման մասին պայմանագրի գործողության ժամկետը երկարացրին մինչեւ 2044 թվականը: