Որոշ վելուծաբաններ կանխատեսում են, որ 2021 թվականի առաջին եռամսյակում նավթի գները կնվազեն մինչեւ 30 դոլար, հաղորդում է «Իզվեստիա»-ն:
«Եվրոպայում, ԱՄՆ-ում եւ այլ երկրներում սկսել են սահմանափակումներ մտցնել, լոքդաուններ հայտարարել: Վատացել է Մեծ Բրիտանիայում իրավիճակը՝ կապված կորոնավիրուսի մուտացիայի հետ: Կարծում եմ՝ հաջորդ տարվա առաջին եռամսյակում մենք կբախվենք համաշխարհային շուկաներում բացասական սցենարի զարգացման: Ռիսկերն աճում են, բաժնետոմսերի շուկաները գահավիճում են, այդ թվում նավթը: Կարելի է ենթադրել, որ գները կրկին կնվազենլ մեկ բարելի դիմաց մինչեւ 30-35 դոլար»,-ասել է QBF-ի առաջատար վերլուծաբան Օլեգ Բոգդանովը:
Առաջիկա 6-7 ամիսներին գները փոքր-ինչ կտարբերվեն ընթացիկ գներին՝ կարծիք է հայտնել WMT Consult-ի գործընկեր Եկատերինա Կոսարյովան:
Նավթի համաշխարհային գները վերջին մեկ շաբաթում զգալիորեն նվազել են: Brent տեսակի նավթի գինը երկուշաբթի առավոտյան սկսել է կորցնել գրեթե 0,27 տոկոս՝ նվազելով մեկ բարելի դիմաց մինչեւ 51,2 դոլար, WTI տեսակի նավթի գինը նվազել է 0,19 տոկոսով կամ 48,14 դոլարով: