News
Լրահոս
News
Չորեքշաբթի
Օգոստոս 04
Տեսնել լրահոսը

Ադրբեջանը համաձայնել է իր տարածքում Ռուսաստանի ռազմական ներկայությանը (եթե հաշվի առնենք, որ Ադրբեջանը Ղարաբաղը Ադրբեջանի մաս է համարում): Բացի այդ, Բաքուն համաձայնել է ոչ միայն Նախիջեւանում, այլ նաեւ Գյանջայում թուրքական բազայի ստեղծմանը: Այս մասին NEWS.am-ի հետ զրույցում ասաց ՀՀ ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը:

«Փաստացի մենք տեսնում ենք, որ Ադրբեջանը կորցնում է իր ինքնիշխանության զգալի մասը, քանի որ իր տարածքներում կգտնվեն միանգամից երկու երկրների՝ Ռուսաստանի եւ Թուրքիայի զորքերը: Ադրբեջանը հաղթել է պատերազմը, սակայն դրա արդյունքում կորցրել իր ինքնիշխանության զգալի մասը»,-հավելեց փորձագետը:

Սաֆրաստյանը նկատեց, որ Արցախում պատերազմի սկզբից Թուրքիան ամենաբարձր մակարդակով հայտարարել է, որ Ղարաբաղում Ռուսաստանի հետ համագործակցությունը պատկերացնում է սիրիական մոդելով, սակայն դա տեղի չունեցավ, եւ Ռուսաստանը դրան չդիմեց:

«Հարավային Կովկասը Սիրիա չէ, դա ռուսական ազդեցության գոտին է, եւ այստեղ Մոսկվան մտադիր չէ ոչնչով կիսվել Անկարայի հետ: Թուրքիան ձգտում է ռուս խաղաղապահների հետ իր ուժերը տեղակայել: Բացի այդ, Թուրքիան ցանկանում է այցելության եւ մոնիթորինգ անցկացնելու հնարավորություն ստանալ: Ռուսաստանն, իհարկե, այդ քայլին չի գնա: Մոնիթորինգ կիրականացվի միայն տեխնիկական միջոցներով, իսկ այդ կենտրոնի ներկայացուցիչները ֆիզիկապես հնարավորություն չեն ունենա հատելու Արցախի սահմանը: Այդ հարցերում թուրքերը ստիպված են եղել զիջել: Ինչ-որ բան նրանք ստացել են, սակայն նրանց հաջողությունը չունի ո՛չ տակտիկական, ո՛չ առավել եւս ռազմավարական նշանակություն: Կովկասում ազդեցության ոլորտներն ընդլայնելու համար Անկարայի պայքարը կշարունակվի ոչ միայն Հայաստանի եւ Արցախի դեմ Ադրբեջանի գործոնի, այլ նաեւ Թուրքիա-Վրաստան-Ադրբեջանական քաղաքական-տնտեսական առանցքի կիրառմամբ: Ռուսաստանը ի հակադրումն դրա կձգտի պահել իր ազդեցությունն Ադրբեջանում, քանի որ եթե Անկարան փորձի ամրապնդվել այդ երկրում, ապա փաստացի կամրապնդվի Հարավային Կովկասում, ինչը հակասում է Մոսկվայի շահերին: Ադրբեջանը եւս հաշվի կառնի Մոսկվայի շահերը»,-ընդգծեց թուրքագետը:     

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Այսօր մենք չունենք պայմաններ դելիմիտացիա, դեմարկացիա անելու. չպետք է արագ տեմպերով գնանք դրան. Սեյրան Օհանյան
Այսօրվա իշխանությունները որդեգրել են հետնահանջի քաղաքականություն...
Գեղարքունիքի հատվածում հակառակորդի ԱԹՍ-ի՝ ՀՀ օդային տարածք մուտք գործելու փորձ է եղել, որը կասեցվել է. ՀՀ ՊՆ
ՀՀ ԶՈՒ հակաօդային պաշտպանության ստորաբաժանումների գործողությունների արդյունքում փորձը կասեցվել է...
«Հայաստան» դաշինք. «ՔՊ»-ի կամավորականների ջոկատը չի մասնակցել ռազմական գործողություններին
«Նրանք մասնակցել են լոգիստիկ եւ ինժեներական աշխատանքներին...
Ի՞նչ խորհրդարանական վերահսկողություն պետք է իրականացնեին, որ սահմանը փակ լիներ. ԱԺ նախագահը՝ Սեյրան Օհանյանին
Ինչ պետք է անեին պատգամավորները: պատկերացնենք պատերազմ է, նոյեմբեր-հոկտեմբեր ամիսներն է, այդ գործողությունները կնկարագրե՞ք...
Ռուս խաղաղապահները բուժօգնություն են ցուցաբերել Լեռնային Ղարաբաղի հեռավոր շրջանների 120 բնակչի
Ռուս խաղաղապահները բուժօգնություն են ցուցաբերել Մարտակերտի շրջանի հեռավոր բնակավայրերի բնակիչներին...
Գիշերը եւ առավոտյան ժամը 10:00-ի դրությամբ հայ-ադրբեջանական սահմանին հարաբերականորեն կայուն է. ՊՆ
ՀՀ զինված ուժերի ստորաբաժանումները լիարժեք վերահսկում են սահմանային իրադրությունը...