Անցնող 2020 թվականը դարձել էր լուրջ փորձություն, փոխել կյանքի սովորական ռիթմը շատերի համար եւ առաջին պլան մղել համավարակից մարդկության պաշտպանություն: Այդ մասին ասվում է ՀԱՊԿ գլխավոր քարտուղար Ստանիսլավ Զասի ամանորյա ուղերձում:
«Պետության եւ քաղաքացիական հասարակության ամրության հավելյալ փորձարկման է ենթարկվել Բելառուսը, Ղրղզստանն ու Հայաստանը: Այդ հանգամանքներում հատկապես հստակ գիտակցվում է ժամանակակից աշխարհի խոցելիությունն ու ամրությունը, ինչպես նաեւ մեզնից յուրաքանչյուրի պատասխանատվությունը սեփական Հայրենիքի անվտանգության եւ բարեկեցության համար»,-ասել է Զասը:
Ստանիսլավ Զասի խոսքով՝ այդ բարդ տարվա ընթացքում ՀԱՊԿ անդամ երկրները ցուցաբերել են միութենական համերաշխություն, եւ փոխօգնություն դժվար, երբեմն նաեւ ողբերգական իրավիճակներում:
«Դա հերթական անգամ հաստատում է ՀԱՊԿ-ի կարեւորությունն ու նշանակալիությունը, եւ ցուցաբերում բարեկամություն մեր պետությունների ժողովուրդների միջեւ»,-նշել է ՀԱՊԿ ղեկավարը:
Գալիք 2021 թվականին կազմակերպությունը լի է ՀԱՊԿ անդամ պետությունների շահերը, դրանց խաղաղությունն ու կայունությունը պաշտպանելու, ինչպես նաեւ արտաքին գործընկերների հետ համագործակցությունն ընդլայնելու վճռականությամբ:
