Ամբողջ աշխարհում WhatsApp մեսինջերի օգտատերերն Ամանորի շեմին սահմանել են կատարված զանգերի թվով պատմական ռեկորդ: Նոր ձեռքբերման մասին հայտնի է դարձել Facebook ընկերության հրապարակած մամուլի ասուլիսից:
Ընկերության տվյալներով՝ օգտատերերը կատարել են ավելի քան 1.4 միլիարդ ձայնային եւ տեսազանգ: Facebook-ի աշխատակիցները նշել են, որ սովորաբար նախատոնական շրջանում ծառայությունները ծանրաբեռնված են: Ընդ որում՝ այդ ցուցանիշն ամենաբարձրն էր, որը երբեւէ գրանցել է WhatsApp-ը:
Վերլուծաբանները պարզել են, որ չաթերի տարածվածությունը կապված է կորոնավիրուսի համավարակի հետ, երբ մարդիկ, չհաշված սոցիալական հեռավորությունը, պետք է կապ պահպանեն: Facebook-ի մենեջեր Քեյթլին Բենֆորդը պատմել է, որ այդ միտումն ի հայտ է եկել 2020 թվականի մարտին: Տոներից առաջ տեխնիկական մասնագետները կազմել են թիմեր, որոնք ապահովել են կապն ու պատրաստ եղել լուծել ցանկացած խնդիր, որպեսզի «2021 թվականին աշխարհում մարդիկ կարողանան զանգահարել միմյանց»: