Վրացի քրեական հեղինակություն, «օրենքով գող» Մինդիա Գորաձեն, որն ավելի հայտնի է Լավասօղլի կեղծանվամբ, բերման է ենթարկվել Ուկրաինայում: Այդ մասին հաղորդում է Նովոստի-Գրուզիա-ն:
Համաձայն տարածված տեղեկավտության՝ կիրակի՝ հունվարի 3-ի գիշերը, Գորաձեն ժամանել էր Օդեսա Մինսկից: Նա փաստաթղթեր չուներ: Այդ պատճառով սահմանային ծառայության աշխատակիցներն արգելել են նրան մուտք գործել Ուկրաինայի տարածք եւ որոշում են կայացրել Բելառուսում:
Նշվում է, որ Մինսկի ինքնաթիռում նստեցումից անմիջապես հետո Լավասօղլին սկսել է խախտել հասարակական կարգն ու ինքն իրենց մարմնական վնաս հասցնելու սպառնալիքներ հնչեցնել:
«Օդանավի անձնակազմի ղեկավարը պատշոնապես գրավոր հրաժարվել է իրականացնել Գորաձեի փոխադրումը, ինչից հետո վերջինս իջեցվել է ինքնաթիռից եւ տեղափոխվել «Օդեսա» օդակայանի սպասասրահ աշխատակիցների ուղեկցությամբ, որտեղ եւ այժմ գտնվում է»,-գրում են ուկրաինական ԶԼՄ-ները:
Գործակալության տվյալներով՝ Օդեսա-Մինսկ հաջորդ չվերթը կկատարվի հունվարի 4-ին: Օրենքով գողը խոստանում է ինքնավնասվել դեպի Բելառում իրեն վտարելու փորձի կրկնության դեպքում:
Բելառուսում Լավասօղլիի արտահանձնման կալանքի 40-օրյա ժամկետը սպառվել է 2020 թվականի օգոստոսի 3-ին, սակայն նա չի արտահանձնվել Վրաստանին: Մինչեւ անցած տարվա հունիս վրացի քրեական հեղինակությունը կալանավորված է եղել Թուրքիայում: Լավասօղլին մեկնել է Կիեւ, սակայն Բելառուսի սահմանային ծառայության աշխատակիցները բերման են ենթարկել նրան օդանավակայանում, երբ հայտնաբերել են, որ նա գտնվում է միջազգային հետախուզման մեջ Վրաստանի ՆԳՆ-ի հարցման հիման վրա:
Մինդիա Գորաձեն կրկնակի դատվել է միեւնույն հոդվածի հատկանիշներով՝ «օրենքով գողի կարգավիճակում անձի գտնվելը»: Ճիշտ է՝ մեղադրանքները վերաբերել են տարբեր քրեական գործերին:
2014-2015 թվականներին Լավասօղլին կապ էր պահում Վրաստանում գտնվող քրեական հեղինակությունների հետ, ստանում նրանցից տեղեկատվություն քրեական միջավայրում իրավիճակի մասին եւ հրահանգներ տալիս սեփական ազդեցությունն ուժեղացնելու համար:
Դեռ ավելին, 2015 թվականի փետրվարի 24-ին Լավասօղլին զանգահարել էր «Ռուստավի 2» հեռուստաալիքի եթերով հեռարձակվող «Ուրիշ շեշտադրումներ» հաղորդման հեղինակին եւ սպառնացել լրագրողին:
