Երիտասարդ տղամարդուն առաջին կարգի սպանության եւ ծանր հանցագործություն կատարելու մեղադրանք է առաջադրվել Արեւելյան Տեխասում՝ եկեղեցում, հրաձգության կապակցությամբ, որի հետեւանքով զոհվել է հոգեւորականը, եւս երկու մարդ՝ վիրավորվել, հաղորդում է Associated Press-ը՝ հղում անելով տեղի շերիֆին:
Շաբաթ երեկոյան նահանգի իրավապահները հետապնդել են 21-ամյա կասկածյալին: Եկեղեցու բաղնիքում թաքնվող երիտասարդ տղամարդուն հայտնաբերել էր հոգեւորականը կիրակի առավոտյան, հայտնել է շերիֆը:
Նա պատմել է, որ ի սկզբանե ոստիկանությունը հետապնդել է այդ մարդուն, քանի որ նա թփահարել է որսորդական հրացանն իր մեքենայից շաբաթ օրը: Իշխանությունները համարում են, որ կասկածյալը Միթրեզ Դյունթ Վուլենը Տեխասի նահանգի Մարշալ քաղաքից է, ներխուժել է եկեղեցի, երբ ոստիկանությունը հեռացել է այդ շրջանից կիրակի գիշերը:
Հանցագործին հայտնաբերելով՝ 62-ամյա հոգեւորական Մարկ Ալեն Մակվիլյամսը զենքն ուղղել է դեպի երիտասարդ տղամարդը՝ հրամայելով չշարժվել, սակայն կասկածյալը խլել է զենքն ու կրակել հոգեւորականին, որը մահացել է, եւս երկու մարդ՝ վիրավորվել:
Այնուհետեւ Վուլենն առեւանգել է հոգեւորականի ավտոմեքենան եւ ուղեւորվել դեպի արեւելք, որից հետո նա ձերբակալվել է Հարիսոն շրջանում, ասել է շերիֆը:
Նրա խոսքով՝ կասկածյալը հոսպիտալացվել է կիրակի ցերեկը հրազենային վնասվածքով ձեռքի շրջանում, սակայն պարզ չէ, թե երբ են նրան վիրավորել:
Կասկածյալին մահապատիժ է սպառնում: Նա գտնվում է կալանավայրում: Նրա խափանման միջոցը փոխելու համար սահմանված է 3.5 միլիոն դոլարի չափով գրավ:
