Պոպուլյար WhatsApp-ի թիմն իր կայքում թարմացրել է տեղեկատվությունը ծառայությունների մատուցման նոր պայմանների եւ օգտագործողների տվյալների մշակման քաղաքականության մասին, ինչպես նաեւ սկսել է նախազգուշացնել օգտատերերին առաջիկա փոփոխությունների մասին, փոխանցում է IXBT-ն:

Android-ով եւ iPhone-ով օգտատերերը սկսել են ծանուցումներ ստանալ WhatsApp-ում, որոնցում նշվում է ծառայությունների մատուցման պայմաններում եւ գաղտնիության քաղաքականության փոփոխությունների մասին:

Օգտատերերը նաեւ նախազգուշացվում են, որ մեսենջերից օգտվելու համար պահանջվում է համաձայնել նոր պայմաններին: Նոր պայմաններն ու քաղաքականությունն ուժի մեջ են մտնում 2021 թվականի փետրվարի 8-ից: Այս ամսաթվից WhatsApp-ի օգտագործման համար պահանջվում է համաձայնություն տալ` սեղմելով համապատասխան կոճակը: