Այժմ Apple ընկերությունը պատրաստում է նոր սերնդի բրենդային պլանշետներ: Ըստ MacOtakara-ի տվյալների՝ Apple-ը 2021 մարտին կներկայացնի նոր 11-դյույմանոց եւ 12,9 դյույմանոց iPad Pro-ներ: Միեւնույն ժամանակ, 12,9 դյույմանոց մոդելը մի փոքր՝ 0,5 մմ-ով ավելի հաստ կլինի նախորդից` Mini LED էկրանի անցնելու պատճառով:
Առաջիկա iPad Pro-ների մեկ այլ փոփոխությունն այն է, որ տեսախցիկի հիմնական մոդուլն այդքան դուրս չի ցցվի: Նաեւ բարձրախոսների անցքերի քանակը կնվազի մեկ երրորդով, իսկ բարձրախոսները կփոխեն իրենց գտնվելու վայրը, գրում է IXBT-ն:
MacOtakara-ն Apple-ի արտադրանքի հետ կապված արտահոսքերի մեծ պատմություն ունի: Օրինակ՝ նախորդ տարի ռեսուրսը հրապարակել էր iPhone 12-ի մակետների լուսանկարներ եւ iPhone SE 2-ի էսքիզներ՝ դրանց մասին ազդարարումից մի քանի ամիս առաջ:
