Ինդոնեզիայի իշխանությունները վաղաժամկետ ազատ են արձակել արմատական մահմեդական քարոզիչ Աբու Բաքար Բաասիրին, որը մեղավոր է ճանաչվել 2002թ. Բալիում պայթյունների իրականացման մեջ: Մտավախություն կա, որ նա շարունակում է ազդեցություն ունենալ ծայրահեղականների վրա, հայտնում է BBC-ն:
82-ամյա իսլամական աստվածաբանը «Ալ-Քաիդա»-ի հետ կապված ծայրահեղական «Ջեմա Իսլամիա» խմբավորման հիմնադիրն է եղել: Իշխանությունները հայտնում են, որ նա պարտավոր է մասնակցել ապաարմատականացման ծրագրին:
2002թ․ հոկտեմբերի 12-ին Բալի զբոսաշրջային կղզում տեղի ունեցած պայթյունների հետեւանքով 21 երկրներից 202 մարդ էր զոհվել: Երկու ռումբ պայթել էր Քութա զբոսաշրջային տարածքում գտնվող Paddy's իռլանդական բարի եւ Sari ակումբի մոտ:
