Apple-ը սպառնացել է հեռացնել ԱՄՆ ներկայիս նախագահ Դոնալդ Թրամփի կողմնակիցների շրջանում տարածված Parler սոցիալական ցանցը: Այս մասին հայտնում է Mediaite պորտալը:
Apple-ի կողմից հավելվածի ղեկավարությանն ուղղված նամակում նշվում է, որ սոցցանցի օգտատերերն այն օգտագործվել է քայլերի համակարգման համար Կոնգրեսի շենքի գրոհի ժամանակ: Այդ պատճառով կորպորացիան հայտարարել է, որ կհեռացնի Parler-ն App Store-ից, եթե դրանում 24 ժամվա ընթացքում մոդեռացիա չներդրվի:
Ամերիկացի քաղաքական մեկնաբան եւ ԱՄՆ գաղտնի ծառայության նախկին սպա Դեն Բոնգինոն, ով անցյալ ամառ բաժնեմաս էր ձեռք բերել Parler-ում, հայտարարել է, որ Apple-ի որոշումը գաղափարական բնույթ է կրում: «Մեզ ոստիկանական պետություն են պարտադրում»,- ասել է նա:
Մինչ այս նշված սոցիալական ցանցը բռնության կոչերի պատճառով արգելափակվել էր Google-ի կողմից: