Բրիտանական ավտոարհեստանոցներից մեկում հայտնաբերված 1937 թվականի հազվագյուտ Bugatti Type 57S-ը աճուրդի է հանվել: Այն 6.7 միլիոնից 9.5 միլիոն դոլար է գնահատվել:
Bugatti-ն «բացառիկ լավ վիճակում» է գտնվում: Այն հայտնաբերվել է անգլիական Ստաֆորդշիր կոմսությունում հանգուցյալ սեփականատեր, ինժեներ եւ ավտոսիրահար Բիլ Թյորնբուլի արհեստանոցում, հայտնում է աճուրդի տունը: Թյորնբուլը, ով ծնունդով Նոր Զելանդիայից էր, ավտոմեքենան գնել էր 1969-ին, ապա սկսել էր վերականգնել այն:
50 տարի անց Bugatti-ն գրեթե մոռացվել էր: 2020 թվականին Թյորնբուլի մահվան ժամանակ վերականգնման նախագիծը գրեթե ավարտված էր:
