Բելառուսի նախագահ Ալեքսանդր Լուկաշենկոն հանձնարարել է համաչափ պատասխան պատրաստել Եվրամիության «բանդիտական» պատժամիջոցների դեմ, հաղորդում է Սպուտնիկ Բելառուսը:
Ըստ տեղեկությունների՝ նա այդ մասին հայտարարել է՝ Մինսկում ընդունելով փոխվարչապետ Յուրի Նազարովի եւ արդյունաբերության նախարար Պյոտր Պարխոմչիկի զեկույցը:
«Եվս մեկ թեմա է Արեւմուտքի պատժամիջոցները, որի տակ են հայտնվել մի քանի հայրենական ձեռնարկություններ: Այդ պատժամիջոցները բանդիտական են եւ պետք է ստանան կառավարության մակարդակով համաչափ պատասխան»,-ասել է նա:
Օգոստոսի 9-ին Բելառուսում կայացած նախագահական ընտրությունների արդյունքում հաղթել է Լուկաշենկոն, ով, ըստ ԿՀԸ տվյալների համաքել է ձայների 80,1 տոկոսը, դրանից հետո երկրում ընդդիմության բողոքի զանգվածային ցույցեր են սկսվել, որոնք շարունակվում են մինչ օրս:
