Թուրքիայի նախագահ Թայիփ Էրդողանը հայտարարել է, որ ՆԱՏՕ-ն Թուրքիային թողել է ահաբեկիչների հետ դեմ առ դեմ, հաղորդում է ՌԻԱ նովոստին:
«ԵՄ-ի եւ ՆԱՏՕ-ի անվտանգությունն սկսվում է մեր արեւելյան սահմաններից: Մենք երբեք չենք հրաժարվել ՆԱՏՕ-ի շրջանակում ահաբեկչության դեմ պայքարի հարցով համագործակցությունից: Ինչո՞ւ են ՆԱՏՕ-ի երկրները մեզ միայնակ թողել ահաբեկչության դեմ պայքարում: Թուրքիայից բացի ո՞վ է պայքարում «Իսլամական պետության» դեմ»,-Անկարայում ելույթի ժամանակ ասել է Էրդողանը:
Նա նաեւ ԱՄՆ-ին մեղադրել է սիրիացի քրդերի ինքնապաշտպանության ուժերին ռազմական աջակցություն ցուցաբերելու մեջ:
