Եվրոպայի տիեզերական ամբիցիաները թափ են հավաքում: Այս մասին հայտարարել է եվրահանձնակատար Թիերի Բրետոնը, հաղորդում է Reuters-ը:
Վերջին տասնամյակում Եվրոպան ձգտում է ԱՄՆ-ից եւ Ռուսաստանից անկախ հասանելիություն ստանալ տիեզերքի նկատմամբ, որպեսզի օգնի իր ոլորտին, որը հասել է այնպիսի հաջողությունների, ինչպիսին են Ariane հրթիռները կամ Galileo արբանյակային նավիգատորը, որը մրցակցում է GPS-ի հետ:
«Մենք պետք է հարցնենք ինքներս մեզ. կարո՞ղ է արդյոք մեր ներկայիս մոտեցումը հաջողությամբ մեզ հասցնել 2050 թվական՝ հաշվի առնելով ոլորտում խափանումները: Ես խիստ կասկածում եմ եւ կարծում եմ, որ պետք է ավելի հարձակողական եւ ագրեսիվ ռազմավարություն»,-ասել է Բրետոնը:
Նրա խոսքով՝ մոտ ապագայում այդ նպատակով քննարկումներ կանցկացվեն, որպեսզի հնարավորություն տրվի տիեզերք հասանելիությունն ապահովելու համար հրթիռակիրների եւ տեխնոլոգիաների հաջորդ սերնդի համար ճանապարհային ընդհանուր քարտեզ մշակելու համար:
Բրետոնն ասել է, որ այդ նպատակով ստեղծվող դաշինքը կներառի արդյունաբերության ներկայացուցիչների, ԵՄ կառավարություններին, ԵՄ օրենսդիրներին եւ Եվրոպական տիեզերական գործակալությանը:
2014-2020 թվականներին տիեզերական գործունեության մեջ 12 մլրդ եվրո ներդնելուց հետո ԵՄ-ն մտադիր է գրեթե 15 մլրդ եվրո ծախսել 2021-2027 թվականներին՝ չնայած նրան, որ այդ ծրագրերը դեռ վերջնական հավանություն պետք է ստանան ԵՄ-ի եւ Եվրախորհրդարանի կողմից:
