Skype վիդեոկապի ծառայության օգտվողները հայտնում են դրա աշխատանքում խափանման մասին: Այս մասին են վկայում Downdetector պորտալի տվյալները, որոնք վերահսկում են ինտերնետային ռեսուրսների աշխատանքը:
Ամենից հաճախ օգտվողները բողոքում են վիդեոծառայության հաշիվ մուտք գործելու հետ կապված խնդիրներից, ինչպես նաեւ խնդիրներ են գրանցվում հաղորդագրություններ ուղարկելիս, ծառայության կայք մուտք գործելիս եւ աուդիոզանգեր կատարելիս, հաղորդում է ՏԱՍՍ-ը:
Ծառայության աշխատանքի հետ կապված խնդիրներ նկատվում են ամբողջ աշխարհում, այդ թվում՝ ԱՄՆ-ում, Բրազիլիայում, Մեծ Բրիտանիայում, Գերմանիայում, Ֆրանսիայում եւ Ճապոնիայում: Ռուսաստանում Skype-ի խափանումների մասին առավել հաճախ հայտնում են Մոսկվայի, Կազանի, Դոնի Ռոստովի եւ Եկատերինբուրգի օգտվողները: