Snapchat մեսենջերն ընդմիշտ կարգելափակի ԱՄՆ նախագահ Դոնալդ Թրամփի օգտահաշիվն ընտրված նախագահ Ջո Բայդենի երդմնակալության օրը, հաղորդում է Axios-ը՝ հղում անելով ընկերության ներկայացուցչին, փոխանցում է «ՌԻԱ Նովոստի»-ն:
Ավելի վաղ ընկերությունը հայտնել է, որ անժամկետ սառեցրել է Թրամփի օգտահաշիվը Կապիտոլիումի դիմաց նրա աջակիցների կազմակերպած անկարգություններից հետո:
Ավելի վաղ Թրամփի օգտահաշիվներն արգելափակել էին Twitch-ը, Twitter-ը, Facebook-ը, Youtube-ը եւ Instagram-ը: Դրա առիթ են դարձել ցուցարարներին ուղղված Թրամփի տեքստային եւ վիդեոուղերձները: Մի կողմից, Թրամփը խաղաղության եւ տուն գնալու կոչ է արել, մյուս կողմից, նրանց անվանել է հայրենասերներ եւ հայտարարել ընտրությունների կեղծման մասին: