Հեռուստատեսության և ռադիոյի հանձնաժողովի անդամները փակ և գաղտնի ռեժիմով բաշխեցին մարզային սլոթերի համար դիմած հեռուստաընկերությունների միավորները:
Մրցույթի վերջնական արդյունքները կամփոփվեն երեք օրվա ընթացքում:
«Չեն դիմել միայն Արարատի մարզից և Վայոց ձորից, և մենք նոր մրցույթ ենք հայտարարել, որն ավարտվելու է փետրվարի 1-ին, իսկ մյուս մարզերի վերաբերյալ որոշումը կկայացվի երեք օրվա ընթացքում, մրցույթի արդյունքները կհայտարարվեն հունվարի 18-ից հետո»,- ասաց ՀՌՀ նախագահ Տիգրան Հակոբյանը:
Մարզային սլոթերի համար դիմած հեռուստաընկերությունների միավորները բաշվեցին հետևայլ կերպ.
Արագածոտնի մարզ- «Պրոգրես մեդիա»- 619 միավոր, «Դելտա TV»- 674 միավոր.
Արմավիրի մարզ- «ԱԼՏ հեռուստախմբագրություն» ՍՊԸ- 292 միավոր, «Արամեա ՍՊԸ»- 435 միավոր,
Գեղարքունիքի մարզ- «Գեղամա մեդիահոլդինգ»- 622 միավոր,
Լոռու մարզ- «Ֆորտունա» ՍՊԸ- 673, «Անկյուն+3» ՍՊԸ- 482, «Լոռի TV» ՍՊԸ- 529
Կոտայք- «Կոտայք TV» ՍՊԸ- 498 միավոր,
Շիրակի մարզ- «Շանթ թիմ» ՍՊԸ- 492 միավոր, «Ցայգ» ՍՊԸ- 559 միավոր,
Սյունիք- «Զանգեզուր հեռուստաընկերություն» ՍՊԸ- 573 միավոր,
Տավուշի մարզ- «Տավուշ մեդիա» ՍՊԸ- 502 միավոր:
Տիգրան Հակոբյանը պարզաբանեց, որ հանձնաժողովի 7 անդամների քվեարկության հանրագումարի մեջ յուրաքանչյուր հայտատու հեռուստատեսություն կարող է ստանալ 840 միավոր, որովհետեւ յուրաքանչյուր անդամի առավելագույն միավորը 120 է. «Սակայն օրենքում եւ կարգերում նշված է նվազագույն շեմը, որը չհաղթահարելով հեռուստատեսությունը չի կարող ստանալ արտոնագիր: Այդ շեմը սահմանված է 280 միավոր: Բարեբախտաբար, այստեղ որեւէ մեկը այդքան ցածր միավոր չի ստացել:
Հիմա հանձնաժողովի անդամնեը գնում են որոշում կայացնելու, որը 3 օրվա ընթացքում կհրապարակվի եւ կուղարկվի բոլոր դիմղներին»,-ասաց նա:
Նշվեց, որ վաղը հանձնաժողովը կշարունակի իր նիստը, որի օրակարգում կլինեն հանրապետական սփռման եւ մայրաքաղաքային սփռման հեռուստաընկերությունների հայերի թվակալումը: