Ջեֆ Բեզոսի Blue Origin մասնավոր տիեզերական ընկերությունը մի քանի տարվա փորձարկումներից հետո պատրաստվում է իրականացնել դեպի տիեզերք առաջին թռիչքն անձնակազմով այս տարվա ապրիլին, հաղորդում է CNBC-ն՝ հղում անելով աղբյուրներին:

Նախօրեին Blue Origin-ն ավարտել է իր New Shepard հրթիռային ուժեղացուցչի եւ խցիկի 14-րդ փորձնական թռիչքը: Հաջողված փորձնական թռիչքից հետո, որը ստացել է NS-14 անվանումը, կայացել է նոր հրթիռի առաջին թռիչքը: Բացի թարմացումներից, CNBC-ին հայտնի է դարձել, որ NS-14-ը վերջին քայլերից է նախքան Blue Origin-ն կուղարկի իր առաջին անձնակազմը դեպի տիեզերք:

Ըստ աղբյուրների՝ Blue Origin-ը պատրաստվում է սկսել երկրորդ փորձնական թռիչքը վեց շաբաթվա ընթացքում կամ մինչեւ փետրվարի վերջ, իսկ անձնակազմի հետ առաջին թռիչքը կկայանա դրանից հետո վեց շաբաթ անց կամ ապրիլի սկզբին: Աղբյուրների խոսքով՝ Blue Origin-ի հաջորդ թռիչքը՝ NS-15-ը, նույնպես կներառի անձնակազմին տեղավորելու շուրջ փորձարկումներ:

New Shepard-ը նախատեսված է տիեզերական զբոսաշրջիկների համար ենթաուղեծրային թռիչքներ իրականացնելու ավելի քան 100 կմ բարձրությամբ: Հրթիռն ու խցիկը կանցկացնեն մի քանի րոպե անկշռության պայմաններում նախքան Երկիր վերադառնալը: