Եվրամիությունը Սիրիայի դեմ պատժամիջոցների ցուցակում ավելացրել է Սիրիայի ԱԳՆ նոր ղեկավար Ֆեյսալ Միքդադին, նշված է ուրբաթ ԵՄ պաշտոնական ամսագրում հրապարակված փաստաթղթում, փոխանցում է «ՌԻԱ Նովոստի»-ն:
Միքդադը Սիրիայի ԱԳ նախարարի պաշտոնում է նշանակվել անցյալ տարվա նոյեմբերի կեսին Վալիդ Մուալեմի մահվանից հետո:
Նոյեմբերի 6-ին ԵՄ-ն Սիրիայի դեմ պատժամիջոցների ցուցակի մեջ էր ընդգրկել 2020 թվականի օգոստոսին նշանակված 8 նոր նախարարների:
2020 թվականի մայիսի 28-ին Եվրոպական խորհուրդը մեկ տարով երկարացրել էր Սիրիայի կառավարության դեմ գործող պատժամիջոցները, որոնց ժամկետը լրանում էր հունիսի 1-ին: Ցուցակի մեջ ընդգրկված անձանց արգելված է ԵՄ մուտքը, միությունում նրանց միջոցները պետք է սառեցվեն:
