ԱՄՆ նախագահ Դոնալդ Թրամփը պատրաստվում է հեռանալ Վաշինգտոնից Ջո Բայդենի երդմնակալությունը օրը, հաղորդում է ՏԱՍՍ-ը՝ հղում անելով Reuters-ին:
Հղում անելով տեղեկատվության անհայտ աղբյուրներին՝ գործակալությունը նշել է, որ Թրամփը պատրաստվում է հունվարի 20-ի առավոտյան մեկնել Էնդրյուս ռազմաբազայից դեպի Ֆլորիդա նահանգում իր առանձնատունը: Ենթադրվում է, որ Էնդրյուսում նախքան մեկնումը կկայանա հրաժեշտի ինչ-որ արարողություն:
Սպիտակ տան մամուլի ծառայությունից դեռեւս չեն պատասխանել ՏԱՍՍ-ի թղթակցի հարցմանն այդ տեղեկությունները մեկնաբանելու մասին: Ավելի վաղ պնդում էին, որ Թրամփը կլքի Վաշինգտոնը հունվարի 19-ին:
Բայդենի՝ ԱՄՆ նախագահի պաշտոնը ստանձնելու պաշտոնական արարողությունը կկայանա հունվարի 20-ին Վաշինգտոնում՝ Կապիտոլիումի մուտքի մոտ, տեղական ժամանակով կեսօրին:
