Կորոնավիրուսի ավելի վարակիչ «բրիտանական» տարբերակը ԱՄՆ-ում կարող է գերակշռող դառնալ մարտին, հայտարարել են առողջապահության պաշտոնյաները, փոխանցում է BBC-ն:
Հիվանդությունների վերահսկման եւ կանխարգելման կենտրոնները նախազգուշացրել են առաջիկա շաբաթներին այս շտամի սրընթաց աճի մասին:
Ըստ գերատեսչության հայտարարության՝ այդպիսի ալիքը առողջապահության համակարգի համար կարող է դառնալ էլ ավելի մեծ սպառնալիք, որն առանց այն էլ ծանրաբեռնված է COVID-19-ի ձմեռային բռնկման պատճառով:
ԱՄՆ ընտրված նախագահ Ջո Բայդենն ավելի վաղ հրապարակել էր կորոնավիրուսի դեմ պատվաստման արագացման ծրագիրը:
Բայդենի խոսքով՝ այդ նպատակին՝ նախագահի պաշտոնում առաջին 100 օրերին 100 մլն ամերիկացիների պատվաստելուն հասնելու համար իր վարչակազմն ավելի ակտիվ դերակատարում է ունենալու պատվաստանյութերի տարածումը ընդլայնելու գործում:
ԱՄՆ-ում գրանցվել է կորոնավիրուսով վարակման 23.5 մլն դեպք: Մահացել է մոտ 391 000 պացիենտ:
