ԱՄՆ բոլոր 50 նահանգները պատրաստության վիճակի են բերվել Ջո Բայդենի երդմնակալության նախաշեմին՝ կապված այս հանգստյան օրերին հնարավոր անկարգությունների հետ, հայտնում է BBC-ն։
Ազգային գվարդիայի զորքերը երկրի ամբողջ տարածքից ուղեւորվում են Վաշինգտոն, որպեսզի կանխեն հունվարի 6-ի բռնությունները:
ՀԴԲ-ն նախազգուշացրել է ԱՄՆ 50 նահանգների բոլոր մայրաքաղաքներում Դոնալդ Թրամփի կողմնակիցների հնարավոր զինված երթերի մասին:
Անվտանգության ռեժիմի խստացման պայմաններում բարիկադներ են շարվում մայրաքաղաքի փողոցներում:
Բայդենի թիմն արդեն ամերիկացիներին հորդորել է չայցելել մայրաքաղաք COVID-19 համավարակի պատճառով, իսկ տեղական պաշտոնյաները ասում են, որ բնակիչները պետք է հեռավար դիտեն երդմնակալության արարողությունը:
Ակնկալվում է, որ կիրակի օրը ցուցարարների ուշադրության կենտրոնում կլինի այն բանից հետո, երբ հունվարի 17-ին զինված ցույցեր, ինչպես նաեւ երդմնակալության օրը դեպի Վաշինգտոն երթ կատարելու կոչեր են հնչել իշխանամետ եւ ծայրահեղ աջակողմյան ցանցերի հաղորդագրություններում:
