Սինգապուրի իշխանությունները որոշել են խստացնել երկիր մուտք գործելու կանոնները COVID-19-ի պատճառով, հաղորդում է «Ինտերֆաքս»-ը՝ հղում անելով հանրապետության առողջապահության նախարարությանը:
Ինչպես ասվում է հաղորդագրության մեջ, կորոնավիրուսի նոր շտամերի տարածման եւ աշխարհում կորոնավիրուսային վարակի շուրջ իրավիճակի վատթարացման կապակցությամբ իշխանությունները սահմանում են սահմանամերձ հսկողության լրացուցիչ միջոցներ երկրում բոլոր ժամանողների համար:
Նախարարությունում նշել են, որ հունվարի 25-ից բոլոր ժամանողները (ներառյալ Սինգապուրի քաղաքացիներն ու կացության իրավունք ունեցող օտարերկրացիները) պետք է հանձնեն COVID-19-ի ՊՇՌ թեստ Սինգապուր ժամանելուն պես:
Բացի այդ, հունվարի 31-ին, ժամը՝ 23:59-ից, երկիր ժամանողները պետք է ձեռք բերեն զբոսաշրջային ապահովագրություն COVID-19-ի կապակցությամբ հոսպիտալացման ու բուժման ծախսերը փոխհատուցելու համար Սինգապուրում 22.6 հազար դոլար նվազագույն ծածկողականությամբ:
Ինչպես նշել են Սինգապուրի առողջապահության նախարարությունում, ավելի վաղ սահմանված մուտքի կանոնները նույնպես պահպանվում են: Այսպես, օտարերկրյա քաղաքացիները կամ հանրապետության բնակիչները, որոնք վերջերս այցելել են վարակման բարձր մակարդակով երկրների կամ շրջաններ, պետք է հանձնեն կորոնավիրուսի ՊՇՌ թեստ ոչ շուտ, քան թռիչքից 72 ժամ առաջ: Ժամանելուն պես նրանք պետք է պահպանեն երկշաբաթյա կարանտին եւ ինքնամեկուսացումից հետո պարտադիր հանձնեն կորոնավիրուսի թեստ:
Նախարարությունում ընդգծում են, որ կորոնավիրուսի ՊՌՇ թեստավորումն արագացնելու համար Սինգապուրի օդանավակայանում ճանապարհորդներին հորդորում են գրանցվել հարթակ-ում եւ վճարել կանխավճար թեստի համար նախքան թռիչքը դեպի Սինգապուր: COVID-19-ի թեստն արժե 120 դոլար: