Բալթյան երկրների ԱԳՆ ղեկավարները կոչ են արել պատժամիջոցներ սահմանել Ռուսաստանի դեմ Նավալնիին բերման ենթարկելու կապակցությամբ: Լատվիայի, Լիտվայի եւ Էստոնիայի ԱԳ նախարարների հայտարարության տեքստը հրապարակել է թվիթերյան իր միկրոբլոգում Լատվիայի ԱԳ նախարար Էդարս Ռինկեւիչսը:
«Ալեքսեյ Նավալնիին բերման ենթարկելը բացարձակապես անընդունելի է: Մենք պահանջում ենք Ռուսաստանի իշխանություններից նրան անհապաղ ազատ արձակել: Եվրամիությունը պետք է արագ արձագանքի, եթե նա ազատ չարձակվի, ապա պետք է քննարկել Ռուսաստանի դեմ պատժամիջոցների կիրառման հարցն այդ ակցիայի կապակցությամբ»,-նշված է հայտարարության մեջ:
