ԱՄՆ ամբողջ տարածքում կիրակի նահանգների կապիտոլիումների մոտ են հավաքվել իրավապահ մարմինների աշխատակիցներ՝ ցույցերի սպասումով, որոնք մինչեւ հիմա նրգրավել են Թրամփի միայն փոքրաթիվ կողմնակիցների, հայտնում է Reuters-ը:
Ավելի քան 10 նահանգներ զինված ցույցերի մասին ՀԴԲ նախազգուշացումից հետո ներգրավել են Ազգային գվարդիայի զորքերին կապիտոլիումների անվտանգության ապահովման համար:
Անվտանգության ծառայության աշխատակիցները խոշոր ցույցեր էին սպասում կիրակի, քանի որ հակակառավարական շարժումը մի քանի շաբաթ առաջ հենց այդ ժամանակ էր ծրագրել ցույցեր անցկացնել բոլոր 50 նահանգներում:
Ընդ որում՝ պատրաստության են բերվել այն նահանգների մայրաքաղաքները, որտեղ իր պաշտոնից հեռացող ԱՄՆ նախագահ Դոնալդ Թրամփը քվեարկության ժամանակ խարդախության վերաբերյալ մեղադրանքներ էր ներկայացրել:
Սակայն կեսօրին փողոցներ է դուրս եկել միայն ցուցարարների փոքր խումբ՝ իրավապահ մարմինների եւ լրատվամիջոցների աշխատակիցների շատ ավելի մեծաթիվ բազմությամբ:
Թրամփի մի քանի կողմնակիցներ հավաքվել են Փենսիլվանիայի Հարիսբուրգում:
Մոտ 10 ցուցարարից կազմված եւս մեկ ոչ մեծ խումբ, որոնցից ոմանք զինված էին, կանգնած է եղել Լանսինգում Միչիգանի Կապիտոլիումի մոտ:
Ատլանտայում իրավապահ մարմինների մի քանի հարյուր աշխատակիցներ եւ Ազգային գվարդիայի զինվորներ կանգնած էին Ջորջիայի պետական տան շուրջը: Կապիտոլիումի տարածքը պաշտպանում էին շղթաներով պատնեշները եւ ցեմենտե պատվարները, իսկ ոչ հեռու գտնվում էին բազմաթիվ զրահամեքենաներ:
Որոշ նահանգներում, ներառյալ Փենսիլվանիան, Տեխասը եւ Կենտուկին, հանրության համար Կապիտոլիումի տարածքը փակելու քայլեր են ձեռնարկվել: