Հայաստանի ԱԻ նախարարությունը հանդես է եկել նախազգուշացմամբ, որ հունվարի 19-ին եւ լույս 20-ի գիշերը հանրապետության ամբողջ տարածքում սպասվում են ձյան տեղումներ, առանձին վայրերում՝ ինտենսիվ, լեռներում՝ բուք, ճանապարհներին՝ ցածր տեսանելիություն եւ մերկասառույց:
Հայաստանում հունվարի 19-ին սպասվում են ձյան տեղումներ: Օդերեւութաբանները առանձին վայրերում կանխատեսում են հյուսիսարեւմտյան քամու ուժգնացում՝ մինչեւ 18-23 մ/վ: Օդի ջերմաստիճանն առաջիկա 4 օրերին աստիճանաբար կնվազի 17-20 աստիճանով:
«Հայպետհիդրոմետ»-ից NEWS.am-ին հայտնում են, որ Երեւանում ժամանակ առ ժամանակ սպասվում են ձյան տեղումներ, ճանապարհներին՝ մերկասառույց: Առաջիկա գիշերը մայրաքաղաքում կլինի 0-2, վաղը ցերեկը՝ 0-2:
Օդի ջերմաստիճանը մարզերում՝
Շիրակում գիշերը՝ -6-10, ցերեկը՝ -2-6,
Կոտայքի լեռներում գիշերը՝ -6-10, ցերեկը՝ -2-6,
Կոտայքի նախալեռներում գիշերը՝ -1-3, ցերեկը՝ 0-3,
Սեւանա լճի ավազանում գիշերը՝ -6-10, ցերեկը՝ -2-6,
Լոռիում գիշերը՝ -1-4, ցերեկը՝ 0-3,
Տավուշում գիշերը՝ 0-3, ցերեկը՝ -1+2,
Արագածոտնի լեռներում գիշերը՝ -6-10, ցերեկը՝ -2-6,
Արագածոտնի նախալեռներում գիշերը՝ -1-3, ցերեկը՝ 0-2,
Արարատում գիշերը՝ 0-2, ցերեկը՝ 0+2,
Արմավիրում գիշերը՝ 0-2, ցերեկը՝ -1+1,
Վայոց ձորի լեռներում գիշերը՝ -6-10, ցերեկը՝ -2-6,
Վայոց ձորի նախալեռներում գիշերը՝ 0-2, ցերեկը՝ 0+2,
Սյունիքի հովիտներում գիշերը՝ +2+6, ցերեկը՝ +2+5,
Սյունիքի նախալեռներում գիշերը՝ 0-2, ցերեկը՝ 0-3: