Ճապոնիայում ավելի քան 60 մարդ է զոհվել ձյան մաքրման ժամանակ, հաղորդում է ՏԱՍՍ-ը:
Ճապոնիայի կառավարությունն արտակարգ ֆինանսական օգնություն ցույց կտա երկրի հյուսիսային շրջաններին, որտեղ միջոցները չեն բավականացնում ձյունը մաքրելու համար: Այս մասին հայտնել է պետական հողերի, ենթակառուցվածքի, տրանսպորտի եւ զբոսաշրջության նախարար Կաձույոսի Ակաբան:
«Պետությունն արագ կհաշվարկի անհրաժեշտ գումարը եւ օգնություն կտրամադրի ձյան անվտանգ մաքրման համար: Մենք չափազանց մտահոգված ենք ձյան մաքրման ժամանակ զոհվածների ռեկորդային թվից»,-հայտնել է նա՝ հավելելով, որ դա գերազանցել է նախորդ ցավալի ռեկորդը, որը սահմանվել է 2017-2018 թվականների ձմռանը:
Զոհվածների մեծամասնությունը տարեցներ են: Նրանք ընկել են իրենց տների տանիքներից կամ մահացել ձյան կուտակումների տակ:Կառավարոությունն այս առնչությամբ ցուցում Է տվել իշխանության տեղական մարմիններին՝ հատկացված ռեսուրսներն օգտագործել առաջին հերթին բնակչությանն օգնություն ցուցաբերելու համար: