Տնտեսական մրցակցության պաշտպանության պետական հանձնաժողովը շուկայում արեւածաղկի ձեթի, կարագի, ալյուրի, բենզինի եւ այլ ապրանքների գնաճի հետ կապված ուսումնասիրություն է անցկացնում: Այս մասին այսօր լրագրողների հետ զրույցում ասաց ՏՄՊՊՀ նախագահ Գեղամ Գեւորգյանը:
Նրա խոսքով՝ հաշվարկները իրականացվում են՝ ելնելով հումքի, ներմուծվող երկրներից ապրանքների գներից, տրանսպորտային ծախսերից, շահութաբերությունից եւ այլն, հաշվետվությունը պատրաստ կլինի հաջորդ շաբաթ: «Դրանից հետո պարզ կդառնա, թե արդյոք այս կամ այն տնտեսվարող սուբյեկտը վաճառում է ավելի բարձր գնով նախապես պահեստավորված ապրանքը, որը գնվել է ավելի էժան, կամ արդյոք գնաճը կապ ունի համաշխարհային շուկաներիում իրավիճակի հետ, որտեղ, օրինակ, արեւածաղիկը եւ եգիպտացորենը թանկացել են: Բացի այդ, Ռուսաստանում կորոնավիրուսի հետ կապված պահեստավորման հետ կապված խնդիրներ են առաջացել»,-նշեց նա:
