2021 թվականին Վրաստանը մասշտաբային նախագիծ կթողարկի, որը կօգնի վերացնել «Վերին Լարս» անցակետում խնդիրները Գուդաուրի-Կոբի ամենավտանգավոր ճանապարհահատվածով տրանսպորտի անխափան երթեւեկությունն ապահովելու հաշվին: Այս մասին հայտարարել է Վրաստանի տարածաշրջանային զարգացման եւ ենթակառուցվածքների նախարարությունը, հաղորդում է «Վեստի Կավկազա»-ն:
Նախագիծը ենթադրում է Մցխեթա-Ստեփանծմինդա-Լարս ավտոճանապարհի ամենաբարդ եւ վտանգավոր հատվածը՝ Գուդաուրի-Կոբին շրջանցող 22,7 կմ երկարության ճանապարհի, ինչպես նաեւ 6 կամրջի եւ 5 թունելի կառուցում, այդ թվում՝ 9 կիլոմետրանոց թունել Խաչի լեռնանցքի տակ, որը կլինի ամենաերկար թունելներից եւ Եվրոպայի ամենաբարդ ինժեներական կառույցներից մեկը:
Տվյալ պահին Քվեշեթի-Կոբի ճանապարհահատվածի եւ 9 կիլոմետրանոց թունելի ակտիվ շինարարության պատրաստություն է ընթանում:
Նախարարությունում հիշեցրել են, որ Գուդաուրի-Կոբի ճանապարհահատվածում բոլոր տեսակի տրանսպորտների երթեւեկությունն արգելվել է հունվարի 11-ին ձնահյուսի վտանգի պատ-առով: Քվեշեթի-Կոբի ճանապարհահատվածի եւ թունելի շնորհիվ խնդիրն անցյալում կմնա, եւ երթեւեկությունը կարող է վերսկսվել տարվա ցանկացած եղանակի անխափան եւ անվտանգ:
15 մ լայնությամբ եւ 9 կմ երկարությամբ թունելը երկրում աննախադեպ մասշտաբի նախագիծ է: 23 կիլոմետրանոց ճանապարհի եւ 9 կիլոմետրանոց թունելի կառուցման ինտենսիվ աշխատանքներ կսկսվեն այս տարի: