Թուրքիայի կառավարությունը արգելել է Twitter-ում, Periscope-ում եւ Pinterest-ում գովազդները` նրանց կողմից նոր օրենքը չկատարելու համար, որը սոցիալական լրատվամիջոցների հարթակից պահանջում է երկրում ներկայացուցիչ նշանակել, հայտնում է AP-ն:
Օրենքը, որը մարդու իրավունքների եւ ԶԼՄ-ների ազատության խմբերը գրաքննություն են անվանում, ստիպում է սոցիալական ցանցերին, որոնք ունեն ավելի քան մեկ միլիոն օգտվողներ, Թուրքիայում ներկայացուցիչներ նշանակել իրենց հարթակներում պարունակվող բովանդակության վերաբերյալ բողոքները դիտարկելու համար:
Ընկերություններին, որոնք հրաժարվում են պաշտոնական ներկայացուցիչ նշանակել, սպառնում են տուգանքներ եւ գովազդի հետագա արգելումներ:
Facebook-ը խուսափել է գովազդի արգելքից այն բանից հետո, երբ հայտարարել էր, որ սկսել է Թուրքիայում իրավաբանական անձի նշանակման գործընթացը` միանալով LinkedIn-ին, YouTube-ին, TikTok-ին, Dailymotion-ին եւ VKontakte-ին: