Շուշիում Ադրբեջանի նախագահ Իլհամ Ալիեւի կողմից արված սադրիչ եւ վիրավորական հայտարարությունները չեն նպաստում տարածաշրջանում խաղաղության հաստատմանը: Այս մասին ԱԺ նիստում հայտարարեց ՀՀ ԱԳՆ ղեկավար Արա Այվազյանը:
Նա նկատեց, որ «պարոն Ալիեւի հայտարարություններն իրարամերժ են». «Մի կողմից, նա հայտարարում է, որ հակամարտությունը կարգավորվել է, մյուս կողմից սադրիչ հայտարարություններ են արվում, որոնք խորացնում են հակամարտությունը, եւ դա վկայում է այն մասին, որ հակամարտությունն, ամենայն հավանականությամբ, մտել է նոր փուլ»:
Նրա խոսքով՝ այդ առնչությամբ «հայկական կողմերի» համատեղ օրակարգի ձեւավորման անհրաժեշտություն է առաջանում: Այդ համատեքստում նախարարն ընդգծեց Ղարաբաղ կատարած իր վերջին այցի կարեւորությունը, որի ժամանակ նա քննարկել է ընդհանուր օրակարգի ձեւավորման եւ առաջիկա աշխատանքի համակարգմանն առնչվող հարցեր: